Ўзбекистонда 2020 йилнинг тўққиз ойида жисмоний зўравонликка учраган 168 нафар эркак реабилитация марказларига мурожаат қилган. Бу ҳақда Маҳалла ва оилани қўллаб-қувватлаш вазирлиги матбуот котиби Саодат Боймирзаева чоршанба куни АОКАда бўлиб ўтган брифингда маълум қилди.
Унинг сўзларига кўра, ҳозирги кунда Ўзбекистонда 197 та реабилитация марказлари мавжуд бўлиб, уларда оғир ижтимоий аҳволда қолган ва оилавий муаммолар ҳамда оиладаги зўравонликларга дуч келган одамлар аноним равишда тиббий, психологик, ижтимоий, педагогик, ҳуқуқий ва бошқа турдаги ёрдамларни олади.
Маълум қилинишича, 2020 йилнинг тўққиз ойида марказга 14 849 та мурожаат келиб тушган. 5796 ҳолатда психологик, 3680 ҳолатда ҳуқуқий, 503 ҳолатда фуқароларга тиббий ёрдам, 1553 ҳолатда бошқа турдаги ёрдам кўрсатилди.
Марказ психологлари мурожаат қилган 2577 киши билан иш олиб борган ва 497 нафар фуқарога биринчи тиббий ёрдам кўрсатилиб, тиббий муассасаларга юборилган, яна 442 киши марказлар ётоқхоналарига жойлаштирилган.
Қайд этилишича, 9870 нафар мурожаатчи ёки умумий соннинг 67 фоизи фақат ҳуқуқий ёки психологик маслаҳат олиш учун келганлиги аниқланди, уларнинг мурожаатларида зўравонлик аломатлари топилмади.
«Шундай қилиб, агар 2000 та ҳолатда юридик ёрдам кўрсатилган бўлса, унда яна 1539 кишига ҳуқуқий маслаҳат берилди. 217 нафар фуқарога ҳуқуқий ҳужжатларни расмийлаштиришда ёрдам кўрсатилди, яна 189 нафари ҳимоя ордерини олишда кўмак берилди. Шунингдек, марказ мутахассислари судларда ва бошқа бўлимларда 55 кишининг вакили сифатида иш олиб борди», – деди Саодат Боймирзаева.
Вазирлик вакили ушбу марказга болалар ва эркаклар мурожаат қилган ҳолатлар мавжудлигини қўшимча қилди. Йил бошидан бери жисмоний зўравонликка учраган 18 бола ва 168 эркак реабилитация марказларига мурожаат қилган.
https://youtu.be/O5CGCRZYBU8?t=252
Аввалроқ Ўзбекистонда Одам савдоси қурбонларини реабилитация қилиш марказини ИИВ тасарруфига ўтказиш таклиф қилинган эди.
Изоҳ (0)