Самарқанд шаҳрида «Халқаро хайрия марафони» шиори остида Samarkand Half Marathon (яриммарафон) ўтказилиши муносабати билан 1 ноябрь куни соат 07:00 дан 13:00 га қадар шаҳарнинг бир қатор кўчаларида транспорт воситаларининг ҳаракати вақтинча чекланади. Бу ҳақда «Дарё»га Самарқанд шаҳар ҳокимлиги ахборот хизмати маълум қилди.
Маълумот берилишича, Самарқанд вилояти ҳокими ҳамда шаҳар ҳокимининг қарорига асосан 1 ноябрь куни Самарқандда қуйидаги кўчалар вақтинчалик ёпилади.
- Регистон кўчасида жойлашган нон бозорчаси олдидан Даҳбед кўчасигача бўлган қисми;
- Қўшҳовуз кўчасинининг Чорраҳа кўчаси билан туташмасидан Ислом Каримов кўчасигача бўлган қисми;
- Имом ал-Бухорий кўчасининг «Сиёб деҳқон бозори»дан Шоҳи Зинда кўчасигача бўлган қисми;
- Мароқанд кўчасининг Имом ал-Бухорий кўчаси билан кесишган чорраҳасида Ибн Сино кўчасигача бўлган қисми;
- Воҳид Абдуллаев кўчасининг Ибн Сино кўчаси билан туташмасидан Ҳазрати Хизр масжидигача бўлган қисми;
- Ислом Каримов кўчасининг Ҳазрати Хизр масжидидан Шоҳи Зинда кўчасигача бўлган қисми;
- Шоҳи Зинда кўчасининг «Сиёб деҳқон бозори»дан Мирзо Улуғбек расадхонасигача бўлган қисми.
Изоҳ (0)