2020 йил 28 октябрь куни ижтимоий тармоқларда Намангандаги Grand Sherdor меҳмонхонаси олдида кўтарилган Франция байроғи олиб ташлангани тўғрисида хабарлар тарқалди. Бу ҳақда «Дарё» мухбири Азизбек Абдувалиев маълум қилди.
Меҳмонхона менежери Комилжон Бегматовнинг маълум қилишича, меҳмонхона олдига жами 7 та — Grand Sherdor, Ўзбекистон, АҚШ, Қозоғистон, Франция, Евроиттифоқ ва Россия байроқлари илинган. 28 октябрь куни соат 13:20 да меҳмонхона олдидаги барча байроқ, жумладан, Ўзбекистон байроғи ҳам ечиб олинган.
Шу куни соат 16:30 да байроқлар ювилиб, дазмолланиб, қайтадан жойига илинган.
«Ҳар ой якунида меҳмонхона олдида байроқлар ечиб олиниб, ювиб, кейин жойига илиб қўйилади. Бу биз учун одатий жараён ҳисобланади. Байроқлар қаторида Франция байроғи биринчи ўринда тургани учун шундай шов-шувлар тарқалиб кетган. Байроқнинг кимдир томонидан юлиб, сўнг топтаб ташлангани ҳақидаги гаплар эса мантиққа тўғри келмайди. Чунки кузатув камералари, қолаверса, қўриқчилар бор», — дейди Комилжон Бегматов.
Менежерга кўра, водийдаги илк бутик-отел бўлган меҳмонхонани Франция билан яхши алоқалар боғлаб туради. Ўтган йили ҳам бир гуруҳ француз сайёҳлари бу ерда бўлиб, илиқ таассуротлар билан юртларига қайтишган.
Изоҳ (0)