Бугун,

  • USD 11095.31
  • RUB 173.84
  • EUR 10772.44

Германия канцлери Ангела Меркель мамлакатда қайтадан карантин жорий этилишини маълум қилди. Чекловлар 2 ноябрдан бошлаб кучга киради ва камида декабрь ойигача давом этади. Бу ҳақда Meduza хабар берди.

Фото: Reuters

Фото: Reuters

Германияда ресторан ва барлар, театр ва кинотеатрлар, фитнес марказлари ва сув ҳавзалари ёпилади. Меҳмонхоналар туристларни қабул қилишни тўхтатади, концертлар эса бекор қилинади. Одамлар уйдан ташқарида энг кўпи билан 10 кишигача йиғилиши мумкин.

Германияда коронавируснинг биринчи тўлқини вақтида ёпилган мактаблар ва болалар боғчалари ҳозирча ўз ишини давом эттиради.

«Бизнинг соғлиқни сақлаш тизимимиз бугун бу муаммо билан кураша олади, бироқ инфекция бу тезликда тарқалса, тизим бир неча ҳафтада ўз имкониятларининг чегарасига етиб бориши мумкин», — дея маълум қилган Ангела Меркель.

Германияда пандемия бошидан буён коронавирус билан касалланиш бўйича 472 531 та ҳолат қайд этилган. Сўнгги бир сутка ичида мамлакатда касалланиш билан боғлиқ қарийб 15 мингта янги ҳолат аниқланган. Касалланганларнинг қарийб 332 минг нафари тузалган, 10 196 киши вафот этган.

Аввалроқ коронавирус билан боғлиқ вазият сабабли Чехия, Словения, Дания ва Испанияда бир қатор чекловлар жорий қилингани ҳақида хабарлар берилганди.

Изоҳ
Asosiy yangiliklar
Дунё
Ҳиндлар томонидан вайрон қилинган Бобур масжиди, Монреалдаги политехника институтидаги қизларнинг ўлдирилиши ва Москвада портловчи моддалар ортилган вагон ҳалокати...
Дунё
Россия Украинага 70 та ракета билан зарбалар берди, тўрт киши ҳалок бўлди
Маҳаллий
Фарғонада профилактика инспектори ўзини отиб қўйди