Франциянинг Авиньон коммунасида пичоқ кўтарган эркак полициячиларга ҳужум уюштирган, оқибатда ҳуқуқ-тартибот идораларининг ходимлари уни отиб ташлаган. Бу ҳақда Europe 1 ва Мidi Libre хабар тарқатди.
Содир бўлган воқеа юзасидан тергов ишлари бошланган.
Europe 1 нашрининг қайд этишича, ҳодиса маҳаллий вақт билан 11:15 да (Тошкент вақти билан 15:15) юз берган. Пичоқ кўтарган киши дастлаб кўчадагиларга таҳдид қилган, сўнгра полиция ходимига ташланган.
Attentat nice pic.twitter.com/14qX79wyuw
— Nice-Matin photo (@nicematinphoto) October 29, 2020
Аввал Ниццада пичоқ кўтарган эркак Нотр-Дам базиликаси меҳмонларига ҳужум қилган ва уч кишини пичоқлаб ўлдиргани хабар қилинганди. Аёллардан бирининг боши олингани ҳақида хабарлар мавжуд. Қотил қўлга олиниш вақтида оғир жароҳатлаган.
Ҳозирча жиноятчининг шахси ва ҳужум сабаблари ҳақида ҳеч нарса хабар қилинмаган. Ницца шаҳар ҳокими Кристиан Эстросининг таъкидлашича, воқеа террорчилик ҳужуми белгиларига эга. Ички ишлар вазирлиги ҳузурида воқеани текшириш учун вазир Геральд Дарманен бошчилигидаги махсус штаб ташкил этилган.
Эслатиб ўтамиз, Францияда тарих фани ўқитувчиси ўқувчиларга Charlie Hebdo нашри томонидан чоп этилган Пайғамбар Муҳаммад (с.а.в.)нинг карикатура суратини кўрсатган. Шундан сўнг ўқитувчи чеченистонлик муҳожир томонидан ўлдирилган. Бу воқеа Францияда кенг жамоатчиликнинг муҳокамасига сабаб бўлди. Ўлдирилган ўқитувчи билан видолашиш маросимида Франция президенти Эммануэль Макрон мамлакат сўз эркинлигидан, жумладан, карикатура борасидаги эркинликдан воз кечмаслигини маълум қилган. Франция президентининг мазкур баёноти ортидан Яқин Шарқдаги баъзи мамлакатларда Францияда ишлаб чиқарилган маҳсулотларни бойкот қилиш бошланган.
2019 йилнинг октябрь ойида пичоқ билан қуролланган шахс мамлакат пойтахти Париждаги марказий полиция идорасида тўрт нафар полиция зобитини пичоқлаб ўлдирган, кейинчалик қотилнинг бошқаларга хавф соладиган хулқ-атвор эгаси бўлмаганлиги, кар-соқов бўлгани, мудҳиш воқеага ходимлар ўртасида низо чиқиши сабаб экани тахмин қилинганди. Воқеадан кейин Франция Республикачилар фракцияси раҳбари Кристиан Якоб Париждаги полиция штаб-квартирасида юз берган 4 нафар полициячининг ўлдирилиши сабаб парламентда бу иш бўйича тергов комиссиясини тузишни таклиф этиб, ўша вақтдаги Франция ички ишлар вазири Кристоф Кастанернинг истеъфосини талаб қилган.
Изоҳ (0)