«Реал» ҳимоячиси Серхио Рамос УЕФА Чемпионлар Лигасида эътиборга молик статистик натижа қайд этди.
Мусобақа гуруҳ босқичи доирасида ўтказилган «Боруссия М» — «Реал» учрашуви Рамос учун 16-мавсумдаги ўйин бўлди. Шу тариқа ҳимоячи «Реал» ва Испания термасидаги собиқ жамоадоши Икер Касильяснинг рекордини такрорлади.
Серхио Рамос «Реал» сафида Чемпионлар Лигасининг 16 мавсумида жами 125 учрашув ўтказган бўлса, Касильяснинг ҳисобида 150 ўйин бор. Аммо Европанинг энг нуфузли футбол турнирида қўлга киритилган совринлар сони бўйича Рамос «қаймоқранглилар»нинг собиқ дарвозабонидан олдинда (3 га 4).
Эслатиб ўтамиз, Рамос гуруҳ босқичининг 1-тури доирасида ўтказилган «Шахтёр»га қарши баҳсни (2:3) жароҳати туфайли ўтказиб юборган эди.
Изоҳ (0)