Енгил вазн тоифасида UFC чемпиони Ҳабиб Нурмагомедов Жастин Гэтжига қарши кечган жангдан сўнг фаолиятини якунлаганини маълум қилди.
Бу менинг охирги жангим. Отам вафот этгандан кейин, мен онамга ваъда бергандим. Менга ёрдам берган барчага, бутун UFC жамоасига раҳмат айтаман. Ўйлашимча, сешанба куни рейтинглар янгиланганда мен умумий рейтингда биринчи ўринда бўламан. Бу менинг UFC’даги сўнгги жангим эди.UFC 254 мусобақаси барча жангларини бу ерда томоша қилиш мумкин — ҳавола.Мен Доғистон тоғларидаги қишлоқдан чиққан оддий йигитман, шунчаки чемпион бўлмоқчи эдим, бори шу. Укамнинг айтишича, айни дамда Google’да энг кўп муҳокама қилинаётган шахс эканман.
Мен шунчаки отам билан бирга чемпион бўлишни истагандим ва елкамга бундай оғир юк тушишини ўйламагандим. Ота-онангизга кўпроқ вақт ажратинг, менда эса фақат онам қолди. Унга кўпроқ вақт ажратишни истайман.
Ҳабиб Нурмагомедов, UFC жангчиси
Ҳабиб UFC 254 мусобақасида Гэтжи таслим этган ҳолда чемпионлик камарини ҳимоя қилди.
Нурмагомедов профессионал MMA билан 2008 йилдан буён фаолият юритиб келарди келади. У MMA’да 29 та ғалаба қайд этди. Шундан 13 тасини UFC промоушени мусобақаларида қўлга киритган. Россиялик яккакурашчи фаолияти мобайнида бирор марта ҳам мағлубиятга учрамади. Аввалроқ Ҳабиб отасига сўз бергани ва 30-0 рекорддан кейин фаолиятини якунлашини маълум қилганди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)