ОРВИ ёки грипп билан касалланганлар учун C витаминига бой маҳсулот ва овқатлар истеъмол қилиш энг кенг тарқалган маслаҳатлардан биридир. Аммо бу кўрсатма коронавирус учун ҳам мос келадими? Афсуски, ушбу жумбоқ остида бўлган касаллик ҳақида мутахассислар қанчалар кўп изланиш олиб бормасин, унинг номаълум жиҳатлари чиқиб келмоқда. Шунинг учун ҳам баъзи витаминлар организмга чиндан ҳам ёрдам беради, ҳатто асоратларни ҳам камайтиради. Шуни ёдда тутиш керакки, ҳар қандай инсон витамин комплексларни ўз хоҳиши бўйича эмас, балки шифокор тавсияси билан қабул қилиши зарур.
B12 витамини
Ҳиндистонлик олимлар томонидан 2020 йил август ойида нашр этилган тадқиқот натижасига кўра, B12 витамини коронавируснинг айрим қисмларига қўшилиб, унинг кўпайиши ва танада тарқалишининг олдини олади. Тадқиқотчилар томонидан амалга оширилган компьютер симуляциялари натижасида шундай хулоса қилинди.
D витамини
Ушбу «қуёш нурлари» витамини нафақат модда алмашинуви, балки депрессияни ҳам енгишга ёрдам беради. 2020 йил май ойида эълон қилинган тадқиқотга кўра, D витамини танқислиги бўлган одамларда коронавирусга чалиниш эҳтимоли икки баравар юқори ҳамда касалликнинг ўзи оғирроқ кечади.
D витамини таркибидаги макрофаг ва лимфоцитлар танага кирадиган вирус молекулаларини том маънода сингдириб юборади. Шунга кўра, ушбу табиий ҳимоячилар танада вирусга қарши тура олса, инсон ўзини яхши қилади.
Афсуски, куз ва қиш мавсумида, қоронғиликда инсонлар D витамини етишмовчилигига мойил бўлади. Организмни соғлом сақлаш учун D витаминига бой овқатлар – ёғли балиқ, қўзиқорин жигар, ёғли сут ва сут маҳсулотларини истеъмол қилиш керак бўлади.
Цинк
Испаниялик олимларнинг олиб борган тадқиқотига кўра, 250 га яқин коронавирус беморларининг кўнгиллилари орасида синк етишмовчилиги туфайли COVID-19 ўлимга ҳам олиб келиши мумкин бўлган ҳолатлар исботланди. Танада ушбу элементнинг таркиби қанча паст бўлса, касаллик аломати ҳам шунча оғирлашади ва ўлим хавфи ортиб боради.
C витаминини қабул қилиш керакми?
Албатта, иммунитет тизими учун фойдали бўлган ушбу витаминни ўз ичига олган маҳсулотлардан воз кечмаслик керак. Аммо шифокорлар, айниқса, аллақачон касалланган беморга айнан витаминнинг ўзини қабул қилишни тавсия этмайди. Чунки жуда юқори концентрация тана аъзолари ва тўқималари учун хавфли бўлиши мумкин.
Изоҳ (0)