Европа Чемпионлар Лигасининг 1-турига 20 октябрь, сешанба куни старт берилди.
Туриннинг «Ювентус» клуби сафарда «Динамо Киев» билан баҳс юритди. Учрашувнинг биринчи бўлимида кичик устунликка эга бўлган «Ювентус» танаффусга қадар киевликлар дарвозаси томон йўл топа олмади.
Иккинчи бўлим дебютида Альваро Мората дарвозабондан қайтган тўпга биринчи бўлиб етиб келди ва ҳисобни очди. Учрашув якунланиши арафасида Мората қанотдан узатиб берилган тўпни боши билан дарвозага жойлаб қўйди. Ушбу голлар Андреа Пирло жамоасига ғалаба келтирди.
Параллел кечган ўйинда «Зенит» ва «Брюгге» жамоалари ўзаро тўқнаш келди. Унда бельгияликлар ҳакам томонидан қўшиб берилган вақтдаги гол эвазига ғалабани илиб кетди.
ЕЧЛ
1-тур баҳслари
20 октябрь, сешанба
«Динамо Киев» Украина — «Ювентус» Италия 0:2
Голлар: 0:1 – 46 Мората, 0:2 – 84 Мората.«Динамо Киев»: Бушан, Кендзера, Караваев (Попов, 70), Забарний, Миколенко, Шапаренко, Сидорчук, Циганков (Вербич, 71), Буяльский (Гармаш, 89), де Пена (Родригеш, 60), Супряга.
«Ювентус»: Шченсни, Кьеллини (Демирал, 19), Данило, Бонуччи, Куадрадо, Рэмзи (Бернардески, 79), Бентанкур (Артур, 79), Кулусевски (Дибала, 56), Рабьо, Кьеза, Мората.
Огоҳлантиришлар: Бентанкур (45), Куадрадо (50), Демирал (59).
«Зенит» Россия — «Брюгге» Бельгия 1:2
Голлар: 0:1 – 63 Деннис, 1:1 – 74, автогол Хорват, 1:2 – 90+3 де Кетеларе.«Зенит»: Кержаков, Круговой, Ракицкий, Караваев, Ловрен, Кузяев (Вендел, 72), Оздоев (Ерохин, 88), Барриос, Дзюба, Дриусси (Мостовой, 72), Азмун.
«Брюгге»: Хорват, Мехеле, Мата, Собол, Рикка, Вормер, Риц, Диатта (Ланг, 78), Ванакен, де Кетеларе, Деннис (Бажи, 82).
Огоҳлантиришлар: Мата (12), Деннис (14), Риц (33), Ловрен (53), Ванакен (85).
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)