Мюнхеннинг «Бавария» клуби ярим ҳимоячиси Серж Гнабрида коронавирус аниқланди.
«Бавария» расмий сайтига кўра, ҳозирда футболчи ўз уйида изоляцияга олинган ва ўзини яхши ҳис қилмоқда.
Қайд этиш жоиз, 21 октябрь, чоршанба куни мюнхенликлар Чемпионлар Лигаси гуруҳ босқичи 1-тури доирасида ўз майдонида Мадриднинг «Атлетико»си билан куч синашади. Беллашув Тошкент вақти билан соат 00:00 да бошланади.
25 ёшли Гнабри Германия чемпионатининг 2020/21 йилги мавсумида 4 ўйин ўтказиб, 3 бор рақиблар дарвозасини ишғол этди.
Изоҳ (0)