Анваржон Ҳакимов Наманган вилояти ҳокимининг қишлоқ ва сув хўжалиги масалалари бўйича ўринбосари этиб тайинланди. Бу ҳақда «Дарё» мухбири Азизбек Абдувалиев хабар бермоқда.
Анваржон Ҳакимов 1967 йил Чортоқ туманида туғилган. Маълумоти олий, 1991 йил Андижон пахтачилик институтини олим-агроном мутахассислиги билан тамомлаган.
Меҳнат фаолиятини 1991 йилда Чортоқ тумани «Ойқирон» ширкат хўжалиги бош пудратчи ёрдамчиси вазифасида бошлаб, бош агрономликкача бўлган йўлни босиб ўтган. 2002—2018 йиллар давомида Чортоқ тумани деҳқончилик саноати фирмаси, туман қишлоқ ва сув хўжалиги бўлими, «Ойқирон» ширкат хўжалиги, «Ойқирон миришкорлари» ММТП, туман ўсимликларни ҳимоя қилиш отряди, вилоят қишлоқ ва сув хўжалиги бошқармасида турли масъул лавозимларда ишлаган.
У 2018 йилдан буён Наманган вилояти қишлоқ хўжалиги бошқармаси бошлиғи сифатида фаолият юритиб келаётган эди.
Эслатиб ўтамиз, олдинроқ Наманган вилояти ҳокимининг қишлоқ ва сув хўжалиги масалалари бўйича ўринбосари Тоҳиржон Рапиқов Вазирлар Маҳкамаси котибият мудири этиб тайинланганди.
Изоҳ (0)