Кук ороли бош вазири ўзини деярли барча вазирликларга раҳбар этиб тайинлади

Кук ороли бош вазири Марк Браун (Mark Brown) ўзини барча вазирликларнинг раҳбари этиб тайинлади ва якунда мамлакат ҳукуматидаги 17 та вазирликнинг бошқарувини қўлига олди. Бу ҳақда маҳаллий Cook Islands News газетаси хабар берди.

Браун 10 йилдан буён ўзи эгаллаб турган Молия вазири ўрнини ҳам сақлаб қолди. Шунингдек, у бош прокурор, молия ва ташқи ишлар вазири ҳамда энергетика, полиция, телекоммуникация, табиий ресурслар, инвестициялар, аудит, давлат харажатлари ва нафақа жамғармаларини ҳам бошқаруви остига олди.

Мухолифат вакили Тина Браун (Tina Browne) ҳукумат раҳбарининг ушбу қарорини вазирлар маҳкамасидаги ҳамкасбларига нисбатан ишончсизлик сабаб чиқарган бўлиши мумкинлигини тушунтирди. Унинг сўзларига кўра ҳукумат раҳбари Марк Браун Кук ороли тарихида «раҳбарлик портфеллари»ни олиш бўйича мутлақ рекордни ўрнатган.

Катта миқдордаги юклама, Янги Зеландиядаги сиёсатдан келиб чиқиб, Браун айрим раҳбарлик лавозимларини тақсимлаши кутилмоқда. Бош вазирнинг ўзи ҳам молия ва ташқи ишлар вазирлиги раҳбарлигидан воз кечиши ҳамда бу иш 2021 йилдан аввал амалга ошмаслигини ваъда қилган.

Кук ороли — Янги Зеландия билан ассосиациялашган автоном давлат ҳисобланади. Гарчи орол ўз ички масалаларига ўзи жавобгар бўлса ҳам, мудофаа ва бошқа давлатлар билан муносабатлар Янги Зеландия ҳукумати томонидан амалга оширилади;

Сўнгги маълумотларга кўра, Кук оролида 17 минг нафардан зиёд аҳоли истиқомат қилади. Мамлакатда яшовчиларнинг ҳаммаси — Янги Зеландия фуқаролари ҳисобланади, орол раҳбари эса — қиролича Елизавета II;

Браун орол ҳукуматининг тепасига октябрь ойида келган. У деярли 10 йил давомида бош вазирлик қилган Ганри Пунуни (Henry Puna) алмаштирганди. Аввалги ҳукумат раҳбари Тинч океани ороллари Форумининг бош котиби лавозими учун курашишга қарор қилди ва ҳудуд номидан асосий дипломат сифатида эътироф қилинади.