Сўнгги бир кеча-кундузда бутун дунё бўйлаб 383,3 мингта коронавирусга чалиниш ҳолати қайд этилди, деб ёзади «РБК» Жаҳон соғлиқни сақлаш ташкилотига таяниб.
Бу COVID-19’га чалиниш ҳолатларининг бир кеча-кундуздаги рекорд даражада ўсишидир. Бундай рекорд кўрсаткич кетма-кет учинчи кун қайд этилмоқда: 9 октябрь куни бир кеча-кундузда дунё бўйлаб 338 799 киши коронавирус юқтириб олган бўлса, 10 октябрь куни дунё бўйлаб 350 766 киши коронавирус юқтириб олган эди. Ҳар иккала кўрсаткич ҳам пандемия давридаги янги рекорд бўлган эди.
Бир кеча-кундуздаги энг кўп касалланишлар қуйидаги ўнта мамлакатда қайд этилган:
- Ҳиндистон — 73,2 минг киши;
- АҚШ — 54,2 минг киши;
- Мексика — 30,4 минг;
- Франция — 201, минг;
- Аргентина — 15,4 минг;
- Буюк Британия — 13,8 минг;
- Россия — 12,8 минг;
- Испания — 12,7 минг;
- Чехия — 8,6 минг;
- Колумбия — 8,4 минг.
Изоҳ (0)