Сочга оралаган оқ толалар вақт ўтиб яққол сезила бошлайди. Ҳар ҳафта сочни бўёққа бўяш эса соч терисини ҳам, унинг эгасини ҳам чарчатиб юборади. У ҳолда оқ сочлардан осонгина қутулишнинг чораси борми? Албатта, қуйида сочдаги оқларни ҳеч қандай бўёқсиз яширишнинг 4 усули билан танишинг.
Соч ўртасидан очиладиган фарқни ўзгартириш
Энг биринчи ва осон усул – сочни ажратиб турувчи фарқ ўрнини ўзгартириш керак. Агар ўнг ёнбошдан очилса чапга, чапдан очилса, аксинча тараш зарур. Ёки ўртадан очган ҳам маъқул. Қарабсизки, соч орасидаги оқарган илдиз ўз-ўзидан билинмай кетади.
Сочларни жингалак қилиш
Сочларни жингалак қилиш орқали оқ толаларни яшириш мумкин. Бунинг учун сочга катта-катта тўлқин шаклида ишлов бериш яхши самара беради. Сочларнинг тартибсиз кўриниши туфайли оқарган илдиз деярли кўринмайди. Шунингдек, агар оқ тушган соч илдиз кўп бўлмаса, қовоқ учун мўлжалланган тендан ҳам фойдалансиҳ мумкин.
Сочларни ўраш
Мураккаб ўрилган соч турмаги туфайли ҳатто сочларнинг оқара бошлаган илдизлари ҳам бутунлай беркитилади. Ташқи кўриниш эса янада гўзаллашади.
Аксессуардан фойдаланиш
Лента, бант, ободок, тасма − соч турмаги учун керак бўладиган аксессуарлар ёки ингичка шарфлардан фойдаланиш орқали оқарган соч илдизларини бартараф этиш мумкин. Ҳаттоки уларни беркитиш учун аксессуардан фойдаланганликни ҳеч ким сезмайди.
Изоҳ (0)