Италия А Серия доирасидаги «Ювентус» — «Наполи» учрашуви белгиланган вақтда бўлиб ўтмади.
«Наполи» жамоанинг айрим футболчиларида коронавирус аниқлангани боис Туринга етиб кела олмади. Неаполь соғлиқни сақлаш ташкилоти «Наполи»га Туринга учишни тақиқлаган.
Бироқ А Серия раҳбарияти ўйинни қолдиришга ҳеч қандай асос йўқлиги билдирган.
«Ювентус» Тошкент вақти билан 4 октябрь, 23:45 да бошланиши белгиланган учрашув учун учун «Альянс Стадиум»га етиб келган ва таркибни эълон қилган.
Учрашув бош ҳаками регламентга кўра рақиб жамоани ўйин бошланиши белгиланган вақтдан кейин 45 дақиқа давомида кутган, шундан кейин баҳс бекор қилинган.
Хабарларга кўра, «Наполи»га 0:3 ҳисобидаги техник мағлубият ёзилади. Клуб мазкур қарор юзасидан судга шикоят қилиши мумкин.
Эслатиб ўтамиз, 27 сентябрь куни неаполликлар «Женоа»га қарши ўйин ўтказди (6:0), шундан кейин Элдор Шомуродовнинг янги жамоасида коронавирус билан боғлиқ 14 та ҳолат кузатилди. Бироз ўтиб «Наполи» футболчилари Петр Зелиньски ва Элиф Элмасда инфекция борлиги аниқланди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)