Italiyaning “Jenoa” klubida COVID-19 koronavirusining 15 ta holati aniqlandi. Bu haqda klub rasmiy saytida ma’lum qilindi.
Foto: Twitter
Qayd etilishicha, jamoaning 11 nafar futbolchisi — Franchesko Kassata, Lukas Lerager, Federiko Marketti, Filippo Melegoni, Luka Pellegrini, Mattia Perin, Marko Pyatsa, Ivan Radovanovich, Lasse Shone, Davide Zappakosta va Valon Behrami virus yuqtirib olgan.
Shuningdek, klubning 4 nafar xodimining ham koronavirus uchun topshirgan test natijasi ijobiy natija bergan.
“Jenoa” sport direktori Daniele Fajiano jamoaning A Seriyadan o‘rin olgan “Torino”ga qarshi o‘yinda ishtirok eta olmasligini ma’lum qilgan.
Genuya klubi Italiya chempionatining 2-turidan keyin 3 ochko bilan 13-pog‘onada bormoqda.
Eslatib o‘tamiz, “Jenoa” o‘zbekistonlik hujumchi Eldor Shomurodovni o‘z safiga qo‘shib olmoqda.
