Ўзбекистонлик ҳужумчи Элдор Шомуродов «Женоа»даги дастлабки машғулотини 5 октябрь куни ўтказади.
Metaratings’нинг хабар қилишича, А Серия клуби Элдорнинг трансферини 2 ёки 3 октябрь куни расман эълон қилади. Ўзбекистонлик футболчи катта эҳтимол билан 9-рақамни олади.
Маълумот учун, «Женоа»да ушбу рақам остида Лука Тони ва Эрнан Креспо каби машҳур футболчилар тўп сурган.
Шомуродов янги жамоасида А Серия 4-туридан ўрин олган 19 октябрь кунги «Верона»га қарши ўйиндаёқ дебют қилиши мумкин. «Женоа» айни дамда 3 очко билан 13-ўринда бормоқда.
Аввалроқ, жамоанинг бир неча футболчисида коронавирус аниқлангани сабаб генуяликларнинг А Серия 3-тури доирасида «Торино»га қарши ўйини қолдирилганди.
Эслатиб ўтамиз, «Женоа» ўзбекистонлик ҳужумчи Элдор Шомуродов билан 4 йиллик шартнома борасида келишувга эришгани, Элдорнинг йиллик маоши эса йилига 600-700 минг еврони ташкил қилиши ҳақида хабар қилинганди.
Мавзуга доир:
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)