Енгил вазн тоифасида UFC чемпионлик камарига даъвогар спортчи Жастин Гэтжи чемпион Ҳабиб Нурмагомедовга қарши кечадиган жанг ҳақидаги фикрлари билан ўртоқлашди.
Бу ҳаётимдаги энг катта жанг. Бунга ҳеч қандай шубҳа йўқ. Ташқи омиллар кайфиятим ва тайёргарлик жараёнимга таъсир этишига йўл қўймайман.Эслатиб ўтамиз, Нурмагомедов ва Гэтжи ўртасидаги жанг 24 октябрь куни Абу-Дабидаги «Жангчилар ороли»да ташкил этиладиган UFC 254 мусобақасининг асосий воқеаси бўлади.Ўзимга ишонаман ва бу ишонч кундан-кунга ортиб бормоқда. Худди шу тарзда саккиз ҳафта ортда қолди, олдинда яна 3,5 ҳафта бор. Бу жангга тайёр бўламан.
Ўзимдаги ишонч — энг асосий омил, у куч ва мураббийлар тайёрлаб қўйган усуллар натижасида хавфли комбинацияга айланади. Яна бир омил — оғир меҳнат, салоҳиятлар жамланмаси ва озгина омад.
Исталган биримиз нокаутга учрашимиз мумкин. Агар Ҳабиб «У мени нокаутга учрата олмайди» деб ҳисоблаётган бўлса, у ҳолда тентак экан. Бу мени унинг учун энг хавфли рақибга айлантиради. У ҳали мен каби рақиб билан тўқнаш келмаган.
Жастин Гэтжи, UFC жангчиси
Жастин Гэтжи иштирокидаги барча жангларни бу ерда кўриш мумкин — ҳавола.
Изоҳ (0)