Тошкент Ўзбекистондаги автомобиллар сони бўйича биринчи ўринни эгаллади

2020 йилнинг 1 январь ҳолатига кўра, Ўзбекистонда жисмоний шахсларга тегишли бўлган автотранспорт воситаларининг сони 2 580 133 тани ташкил этган. Бу ҳақда Давлат статистика қўмитаси хабар берди.

Хусусан:

• енгил автомобиллар – 2 410 421 та;
• юк автомобиллари – 150 294 та;
• автобуслар – 5 072 та;
• микроавтобуслар – 10 590 та;махсус транспортлар – 3 756 та.

2020 йилнинг февраль ойида Президент администрацияси ҳузуридаги Иқтисодий тадқиқотлар ва ислоҳотлар маркази Ўзбекистонда 3 миллиондан ортиқ транспорт воситаси рўйхатдан ўтказилгани, уларнинг 89 фоизи енгил автомобиль эканлигини маълум қилганди. Мамлакатнинг ички енгил автомобиль бозори 2,6 миллиард долларга баҳоланган бўлиб, бу Ўзбекистон ЯИМнинг салкам 5 фоизини ташкил этади.