Мавсумбоп таом: қийма ва гуруч билан тўлдирилган мазали қовоқ пиширамиз

Ушбу ноодатий таом дастурхонингизда янада ажойиб кўринади. Қиймали «начинка» қовоқ билан уйғунлашиб, такрорланмас таъмни ҳосил қилади.

Керакли маҳсулотлар:

• Гуруч – 140 гр;
• Пиёз – 1-2 дона;
• Ўсимлик ёғи – 2 ош қошиқ;
• Қўй гўшти қиймаси – 450 гр;
• Қовоқ – 1 дона;
• Помидор – 2-3 дона;
• Петрушка – 5-7 япроқ;
• Туз ва зираворлар таъбга кўра.

1. Гуруч қайнатиб олинади.
2. Пиёз майда тўғралиб, ёғда қовурилади.
3. Сўнг унинг устидан қийма солиниб, яхшилаб қовурилади.
4. Аралашмага туз ва зираворлар солиниб, това 1 дақиқага оловда қолдирилади.
5. Устидан қайнатилган гуруч, кўкат ва майдаланган помидор солинади. 5 дақиқа мобайнида оловда қолдирилади.
6. Агар «начинка» қуруқ туюлса, бироз сув қўшиш мумкин.
7. Қовоқнинг тепа қисми кесиб олиниб, ичи уруғлардан тозаланади ва ичига «начинка» солинади.
8. Тайёр бўлган қовоқ фалга устига қўйилади ва кесиб олинган қопқоғи ёпилади. Печга 160 даражага икки соатга қўйилади.