Mavsumbop taom: qiyma va guruch bilan to‘ldirilgan mazali qovoq pishiramiz

Ushbu noodatiy taom dasturxoningizda yanada ajoyib ko‘rinadi. Qiymali “nachinka” qovoq bilan uyg‘unlashib, takrorlanmas ta’mni hosil qiladi.

Kerakli mahsulotlar:

• Guruch – 140 gr;
• Piyoz – 1-2 dona;
• O‘simlik yog‘i – 2 osh qoshiq;
• Qo‘y go‘shti qiymasi – 450 gr;
• Qovoq – 1 dona;
• Pomidor – 2-3 dona;
• Petrushka – 5-7 yaproq;
• Tuz va ziravorlar ta’bga ko‘ra.

1. Guruch qaynatib olinadi.
2. Piyoz mayda to‘g‘ralib, yog‘da qovuriladi.
3. So‘ng uning ustidan qiyma solinib, yaxshilab qovuriladi.
4. Aralashmaga tuz va ziravorlar solinib, tova 1 daqiqaga olovda qoldiriladi.
5. Ustidan qaynatilgan guruch, ko‘kat va maydalangan pomidor solinadi. 5 daqiqa mobaynida olovda qoldiriladi.
6. Agar “nachinka” quruq tuyulsa, biroz suv qo‘shish mumkin.
7. Qovoqning tepa qismi kesib olinib, ichi urug‘lardan tozalanadi va ichiga “nachinka” solinadi.
8. Tayyor bo‘lgan qovoq falga ustiga qo‘yiladi va kesib olingan qopqog‘i yopiladi. Pechga 160 darajaga ikki soatga qo‘yiladi.