Британиялик оғир вазн тоифасидаги боксчи Дерек Чисора собиқ Жаҳон чемпиони Александр Усик билан жанги 31 октябрь куни бўлиб ўтишини эълон қилди. У бу ҳақда ўзининг ижтимоий тармоқлардаги саҳифалари орқали маълум қилди.
«Уруш яқинлашмоқда», — деб ёзади Чисора тармоққа жойлаштирган суратига изоҳ тариқасида.
Эслатиб ўтамиз, 2018 йилнинг июль ойида Усик Мурат Гассиевни очколар эвазига мағлуб этиб, оғир вазнга ўтишини эълон қилганди. У ўзи учун янги бўлган дивизионда ҳам дебютини ўтказишга улгурган, Усик ўшанда (2019 йилнинг октябрь ойида) Чазз Уизерспунни мағлуб этганди.
Маълумот учун, 33 ёшли Усик фаолияти давомида 17 та жанг ўтказиб, уларнинг барчасида ғалабага эришган (13 таси нокаут билан). 36 ёшли Чисоранинг ҳисобида эса 32 ғалаба (23 таси нокаут билан) ва 9 мағлубият бор.
Изоҳ (0)