«Атлетико» ҳужумчиси Альваро Мората «Ювентус»га қайтди. Бу ҳақда туринликлар матбуот хизмати маълум қилди.
«Ювентус» 27 ёшли футболчини бир мавсумга ижарага олган ва шартномада ижара муддатини яна бир йилга узайтириш банди ҳам бор. Шунингдек, туринликларда Моратани сотиб олиш ҳуқуқи ҳам бўлади.
«Ювентус» ижара учун 10 миллион евро сарфлади. Клуб Альварони сотиб олишни истаса, келаси мавсум охиригача 45 миллион евро тўлашига тўғри келади. Бу миқдор уч йил давомида тўлаб берилади.
Ижара шартномасини узайтириш «Ювентус»га яна ўн миллионга тушади, сотиб олиш учун белгиланган кейинги нарх эса 35 миллионни ташкил қилади.
Аввалроқ Мората италияликлар сафида йилига 7,5 миллион евро маош олиши хабар қилинганди.
Эслатиб ўтамиз, Мората 2014—2016 йиллар мобайнида «Ювентус»да тўп сурган.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)