Пул аямаслик тавсия қилинадиган кузги 7 кийим-кечак

Куз фаслида ҳам иссиқ, қулай ва шу билан бирга дидли кийиниш керак. Ҳам сифатли ҳам чиройли кийим-кечак эса камдан кам ҳолларда арзон бўлади.

Қулай оёқ кийим

Қулай бўлган исталган модель — ботфорт, челси ёки боғичли ботинка харид қилинг. Харид давомида эса сифатига эътибор қаратинг. Кузги пойабзал зах ва нам ўтказмаслиги, совуқда оёқларни иссиқ ушлаши ҳамда юриш учун қулай бўлиши керак. Шу кабиларни ўзида мужассамлаштирган, сифатли матодан тайёрланган пойабзал эса арзон бўлмаслиги аниқ.

Пальто

Фото: Lisa.ru

Устки қалин кийимлар бир неча фасл ёки мавсумда битта харид қилинади ва шу сабаб ҳам ундан пул аямаслик тавсия қилинади. Пальто табиий матолардан тайёрланган, астари бор, кийганда қоматга мос турадиган ва барча кийимлар билан мосласа бўладиган бўлиши керак. Танлов борасида базавий ранглар — қора, тўқ кўк, оч жигаррангда тўхтанг. Тушунарсиз безаклари бор пальтоларга эътибор қаратманг. Минимал услубдаги палто яхши вариант.

Свитер / жемпер

Салқин фаслда гардеробда ҳеч бўлмаганда битта кашмир матоси ёки юнгли матодан тикилган қалин жемфер ёки свитер бўлиш керак. Деформацияланмасиги учун таркибида озгина (10 фоиздан кўп бўлмаган) синтетка бўлган матодан тикилган вариантни танлаган яхши. Қолаверса, жемферлар кузги қизиқарли образлар яратиш учун ҳам айни муддао. Уни чарм шим, кенг елкали пиджак ва жинси куртка билан мосласа бўлади. Сиз кийган бошқа либослар оддий бўлган тақдирда ҳам сифатли кашмир жемфер образингизни қизиқарли кўрсатади.

Чарм куртка

Ҳақиқий чармдан тикилган куртка узоқ вақт хизмат қилади ва чиройли кўринади. Қолаверса мазкур устки кийимни исталган услубдаги либос билан мосласа бўлади. Кузги образлари ранг-баранг ва қизиқарли бўлишни истаганларга табиий чармдан тикилган куртка ёки пиджак харид қилиш тавсия қилинади.

Сумка

Бошқа йил фаслдаги сингари куз учун ҳам сифатли ва универсал сумка аксессуарларингиз орасидан ўрин олган бўлиши керак. Сумка танлаганда ортиқча деталларсиз, ҳар куни туца бўладиганига эътибор қаратиш тавсия қилинади.

Шарф

Шарф сумкадан кейин кузги образ учун муҳим бўлган иккинчи аксессуар ҳисобланади. Кашмир матоли шарфни куртка ёки тренчлар билан мосласа бўлади. Оғир бўлмаган, иссиқ тутадиган бундай шарфни тозалаш осон — уни қўлда ҳам кир ювиш машинасида ҳам ювса бўлади.

Қўлқоплар

Совуқ ҳароратда қўлларни ҳам иссиқ тутиш керак. Қўлқопларни замш, чарм ва жун матосидан тикилганини танлаш тавсия қилинади. Ранги эса ҳамма кийим билан мосласа бўладиган базавий бўлгани яхши.