Бухоро вилояти 25—27 сентябрь кунлари аралаш жанг санъатлари бўйича 16–17 ёшли ўсмирлар ва 18 ёшдан катта бўлган яккакурашчилар ўртасида Ўзбекистон Кубоги баҳсларига мезбонлик қилади. Бу ҳақда Ўзбекистон MMA ассоциацияси «Дарё»га хабар берди.
Мусобақада Ўзбекистоннинг барча вилоятлардан келган ўсмирлар 10 та вазн тоифасида ёшлар эса 9 та вазн тоифасида совринли ўринлар учун курашади. Жангларда жами 200 нафардан зиёд спортчи қатнашиши кўзда тутилган.
Таъкидланишича, мусобақада 19 та олтин, 19 та кумуш ва 38 та бронза медаллари ўз эгаларига топширилади. Ўзбекистон Кубоги мусобақасининг саралаш жанглари 25—26 сентябрь кунлари ва унинг ҳал қилувчи баҳслари эса 27 сентябрь санасига белгиланган.
Эслатиб ўтамиз, 2020 йилнинг март ойида айнан ушбу ёшдаги спортчилар ўртасида илк маротаба MMA бўйича Ўзбекистон чемпионати ташкил этилганди.
Маълумот учун, Ўзбекистон MMA ассоциацияси 2019 йил 8 ноябрида эса янги ташкил этилган. Унинг айни дамдаги раҳбари эса Мудофаа вазири Баҳодир Қурбонов ҳисобланади.
Мавзуга доир:
- Роналду Ўзбекистон MMA ассоциацияси либосида кўриниш берди. Бунинг учун пул тўландими ёки Ҳабиб Нурмагомедов ёрдам бердими?
- Отабек Умаров Триатлон федерацияси раислиги ва MMA ассоциацияси президентлигидан кетди
- Хавфсизлик кенгаши котиби Виктор Маҳмудов триатлон федерациясига раис бўлди, Мудофаа вазири Баҳодир Қурбонов эса MMA ассоциациясига
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)