АҚШ миллий футбол лигаси (NFL) ўтган якшанба кунги ўйинларда тиббий ниқоб тақмаганлиги учун уч клуб ва уларнинг мураббийларини жаримага тортди, деб хабар бермоқда Komonews.
Хабарга кўра, «Сиэтл Сиҳокс» устози Пит Керролл «Ню-Ингланд Патриоц» билан ўйинда ниқоб тақмагани учун 100 минг доллар жаримага тортилган. Бундан ташқари унинг клуби ҳам 250 минг доллар миқдорида жарима тўлайди. Шунингдек, «Сан-Франциско Форти Найнерс» ва «Денвер Бронкос» бош мураббийлари Кайл Шенахен ҳамда Вик Фанхио клублари билан биргаликда юқорида қайд этилган миқдорда жарима тўлаши керак бўлади.
Таъкидланишича, лига фақат уч мураббийга жарима солиш билан чекланмайди, тез орада яна бир қанча протоколга амал қилмаганлар жазоланиши кутилмоқда. Қайд этиш жоиз, бир ҳафта олдин NFL вице-президенти Трой Винсент клубларга мураббийлар штаби ўйинлар вақтида тиббий ниқобда бўлиши кераклигини ва амалдаги хавфсизлик протоколларига риоя қилмаслик тегишли санкцияларга олиб келишини айтган.
Сўнгги маълумотларга кўра, Ўзбекистонда ўтган 6 ой давомида 620 мингга яқин фуқаро карантин қоидаларини бузгани аниқланган. Шулардан 100 561 нафар фуқарога нисбатан Маъмурий жавобгарлик кодексининг 54-моддаси 1-қисми (карантин шароитида жамоат жойларида ниқобсиз бўлиш) билан чора кўрилган.
- Тўйини Tashkent City’да ўтказган Воҳиджон Исоқовга 4,5 млн сўм жарима ёзилди. «Аввалги жарима» нотўғри бўлиб чиқди
- Тошкентда карантин пайти хўроз уриштирган бир гуруҳ фуқаро жаримага тортилди
- Гулистонда карантин вақти бемақсад велосипед ҳайдаб юрган фуқаро жаримага тортилди
- Ўзбекистонда 6 ой давомида 620 мингга яқин фуқаро карантин қоидаларини бузгани аниқланди
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)