Бугун,

  • USD 11095.31
  • RUB 173.84
  • EUR 10772.44

«Бунёдкор» бош мураббийи Вадим Абрамов Coca-Cola Суперлига 16-тури доирасида ОКМКга қарши кечган ўйиндаги мағлубиятдан (2:3) кейин ўз фикрларини билдириб ўтди.

Фото: ПФЛ

Фото: ПФЛ
Бундай бўлганига ўзимиз айбдормиз. Мағлуб бўлган ўйинимиздан кейин фикр билдириш ҳам оғир. Ўзи бу мавсум тушунарсиз вазиятларда кўп очко йўқотдик. Бу футбол. Вазият шундай бўлди ва мағлуб бўлдик

Рақибга иккита гол совға қилдик. Бундан ташқари ОКМК захира ўриндиғи узун, захирадан тушаётган тажрибали футболчилар бундай хатоларни кечирмайди. Ташаббусга эга бўлдик, аммо ўзимизга ўзимиз қийинчилик туғдириб, ҳисобда ортда қолавердик. Қайтараман, ОКМКда захирадан тушганлар ўйинни кучайтирди.

Бизда жуда кўп муаммолар бор. Ўтган йилдан буён муаммолар бор, ҳалигача бу нарса ҳал бўлгани йўқ.

Агар ҳужум чизиғида Шаҳбоз Эркиновга ёш рақобатчи бўлганида ўшани майдонга туширардик. Агар жамоадаги барча футболчилар ёш бўлса қийин, тажрибали ўйинчилар ҳам бўлиши керак. Агар академиямизда яхши ҳужумчи бўлганида уни асосий таркибга киритардим.

Футбол шундай нарсаки энг кучлилар ўйнайди. Баҳодир Пардаев айни пайтда рақобатда ютқазмоқда.

ОКМК, «Насаф», «Бунёдкор», «Қўқон-1912», «Металлург» каби жамоалар совринли ўринлар учун кураш олиб боради деб ўйлайман.

Биз ҳар бир ўйинда ғалаба учун майдонга тушади. Агар қайсидир мусобақага кўпроқ эътибор қилсак тўғри бўлмайди. Таркибимизда ёш футболчилар ўйнамоқда, улар мухлислар учун ҳаракат қилмоқда. Ёшлар тажриба тўпламоқда. Биз ҳар бир рақиб билан курашамиз ва ғалабага интиламиз. Мақсадимиз Суперлигада чемпион бўлиш ва Кубокни қўлга киритиш. Ўйлашимча 14 та клубнинг барчаси ўз олдига шундай вазифа қўяди, лекин якунда битта клуб чемпион бўлади.

Вадим Абрамов, «Бунёдкор» бош мураббийи

«Бунёдкор» 16-турдан кейин 29 очко билан 4-поғонада бормоқда. Жамоа кейинги турда «Қўқон-1912»га қарши баҳс олиб боради.

Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!

Изоҳ
Асосий янгиликлар
Маҳаллий
Самарқандда 2 киши овқатдан заҳарланиб вафот этди
Маҳаллий
Тошкентда автобуснинг юрган масофасига қараб тўлов қилиш тизими йўлга қўйилади
Маҳаллий
Аҳолининг валюта айирбошлашга йўналтирган пул маблағлари ҳажми 68 фоизга ўсди — Марказий банк