Футбол бўйича Coca-Cola Суперлига 16-турининг сўнгги ўйинида «Қизилқум» ва «Машъал» жамоалари ўзаро баҳс юритди.
Учрашув тенг курашлар остида ўтди ва ҳар икки жамоада бир қатор қулай имкониятлар юзага келди. Иккинчи бўлимга ҳакам томонидан қўшиб берилган вақтда меҳмонлар вакили Самандар Шукуруллаев ўз дарвозасини ишғол қилиб қуйди.
Шу тариқа бир неча ўйинлик ғалабасиз сериясига якун ясаган «Қизилқум» очколарини 14 тага етказиб олган ҳолда 11-ўринда бормоқда. «Машъал» (19) эса 10-поғонада қолиб кетди.
Coca-Cola Суперлига
16-тур баҳси
«Қизилқум» — «Машъал» 1:0
Гол: 1:0 – 90+2, автогол Шукуруллаев.«Қизилқум»: Игнатий Нестеров, Эркин Бойдуллаев, Ойбек Қиличев (Воҳид Шодиев 86), Руслан Маргиев, Алишер Саноев, Файзулла Қамбаров, Салим Мустафоев (Муҳсинжон Убайдуллаев 66), Жасур Азимов (Илҳомжон Кенжаев 46), Шерали Жўраев, Олег Толмасов, Жамшид Ҳасанов.
«Машъал»: Ботир Носиров, Нажмиддин Нормуродов, Ифеани Ифеани, Никита Павленко (Сардорбек Эминов 84), Шерзод Темиров (Иброҳим Нў‘монов 84), Элла Кен Арманд (Мўминжон Мелиев 55), Жамолиддин Убайдуллоев, Аббос Шодмонов, Сардор Абдураимов (Ибе Мишел Окоро 73), Сирожиддин Қўзиев (Сирожиддин Раҳматуллаев 55), Самандар Шукуруллаев.
Огоҳлантиришлар: Қамбаров (25), Байдуллаев (37), Раҳматуллаев (62).
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)