Суперлига. ОКМК 5 та гол урилган ўйинда «Бунёдкор»ни таслим этди
Футбол бўйича Coca-Cola Суперлига 16-турида «Бунёдкор» жамоаси 22 сентябрь, сешанба куни ОКМКга қарши баҳс олиб борди.
Учрашувнинг 15-дақиқасида Мате Вацадзе Элгужа Григалашвилининг узатмасидан кейин олмалиқликларни олдинга олиб чиқди. 35-дақиқада Нурилло Тўхтасинов жарима майдони ташқарисидан аниқ зарба йўллаб, ҳисобни тенглаштирди.
Иккинчи бўлим дебютида Григалашвили мезбонлар дарвозабонининг хатосидан кейин иккинчи голни урди. Орадан кўп ўтмай Тошкент клуби пенальти ишлаб олди, уни Хуршид Ғиёсов голга айлантирди.
Барчаси дуранг томон кетаётган бир вақтда олмалиқликлар учинчи голни уришга муваффақ бўлди: 89-дақиқада меҳмонлар дарвозабонининг узатмасидан кейин Жасурбек Умаров қулай вазиятга чиқиб борди ва ўз имкониятини кўкка совурмади.
Шу тариқа ушбу ғалабадан кейин Миржалол Қосимов жамоасининг очколари 33 тага етди ва жамоа 2-ўринга қайтди. «Бунёдкор» (29) эса 4-поғонага тушиб кетди.
Coca-Cola Суперлига
16-тур баҳси
22 сентябрь, сешанба
«Бунёдкор» — ОКМК 2:3
Голлар: 0:1 – Вацадзе, 1:1 – Тўхтасинов, 1:2 – 48 Григалашвили, 2:2 – 57, пенальти Ғиёсов, 2:3 – 89 Умаров.«Бунёдкор»: Абдумавлон Абдужалилов, Ислом Қобилов, Иброҳимҳалил Йўлдошев, Хуршид Ғиёсов (Фарруҳ Икромов, 69), Расул Йўлдошев (Иброҳим Ибрагимов, 85), Лутфулло Тўраев, Санжар Қодирқулов, Нурилло Тўхтасинов, Улуғбек Абдуллаев (Дилшод Аҳмадалиев, 78), Абдулла Абдуллаев, Шаҳбоз Эркинов (Владислав Нуриев, 78).
ОКМК: Валижон Раҳимов, Мирғиёс Сулаймонов (Акмал Шораҳмедов, 71), Игор Зонич, Бобур Йўлдошев, Мурод Тошматов, Ёван Жокич, Санжар Турсунов (Арслонмурат Аманов, 62), Баҳром Абдураҳимов (Зафар Полвонов, 84), Ҳусниддин Ғофуров (Жасур Умаров, 62), Мате Вацадзе (Шаҳзод Нурматов, 62), Элгужа Григалашвили.
Огоҳлантиришлар: Эркинов (21), Сулаймонов (69), Йўлдошев (72), Қодирқулов (87).
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
