«Реал» ҳимоячиси Серхио Регилон ва ҳужумчи Гарет Бэйл фаолиятини «Тоттенҳэм»да давом эттиради. Бу ҳақда лондонликлар расмий сайтида маълум қилинди.
Регилон билан 2025 йилга қадар мўлжалланган шартнома имзоланган.
Лондон клуби Регилон трансфери учун 30 миллион евро тўлаган. Шунингдек, «Тоттенҳэм» мадридликларнинг шартларини қабул қилган. Унга кўра, «Реал»да футболчини 40—45 миллион еврога қайта сотиб олиш ҳуқуқи бўлади, шунингдек, Мадрид клуби футболчи трансферга қўйилган вақтда уни қўлга киритиш учун биринчи рақамли даъвогар бўлади.
Шунингдек, «Тоттенҳэм» уэлслик ҳужумчи Гарет Бэйлни бир мавсумга ижарага олди.
Аввалроқ «Тоттенҳэм» футболчининг маошини тўлиқ қоплаши, «Реал» эса бонус пулларини тўлиб бериши хабар қилинганди.
Бэйл 2007—2013 йиллар оралиғида «шпорлар» сафида тўп сурган. «Реал» уни ўша вақтдаги рекорд нарх — 100 миллион еврога сотиб олганди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)