Футбол бўйича Беларусь Олий Лигасининг 24-турида «Энергетик-БГУ» 19 сентябрь, шанба куни Брестнинг «Динамо»сига қарши баҳс олиб борди.
Учрашувнинг 5-дақиқасидаёқ Павел Савицкий мезбонларни олдинга олиб чиқди. Бунга минскликлар Дмитрий Гирснинг 16-дақиқадаги голи билан жавоб қайтарди.
35-дақиқада Савицкий дублини нишонлади. Шу ҳисоб ўйин якунига қадар ўзгармай қолди.
Мазкур баҳсда «Пахтакор»дан ижара асосида «Энергетик-БГУ»га ўтган Ҳумоюнмирзо Иминов дебют қилди. Футболчи 46-дақиқада захирадан майдонга тушди. Яна бир ўзбекистонлик легионер Шаҳбоз Умаров учрашувда тўлиқ ҳаракат қилди.
«Талабалар» 34 очко билан 8-ўринга тушиб кетди. Амалдаги чемпион эса очколарини 35 тага етказиб олган ҳолда 7-поғонага кўтарилди.
Беларусь Олий Лигаси
24-тур баҳси
«Динамо Брест» — «Энергетик-БГУ» 2:1
Голлар: 1:0 – 5 Савицки, 1:1 – 16 Гирс, 2:1 – 35 Савицки.«Динамо-Брест»: Игнатович, Кики Габи, Биков, Витус, Кисляк, Веретило, Павловес, Давид Тве (Кривец, 79), Лаптев, Гордейчук (Седко, 71), Савиский.
«Энергетик-БГУ»: Леско, Носко, Мирошников, Сокол, Башилов, Мавату, Умаров, Мусаханян (Сквира, 56), Бакич (Муҳамедов, 72), Совпел (Иминов, 46), Гирс.
Огоҳлантиришлар: Биков (21), Мусаханян (52).
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)