Эрта танилган актёрларнинг барчаси ҳам машҳурлигини сақлаб қолишга муваффақ бўлмаган. Ўз вақтида севимли бўлган актёр ва актрисаларнинг қанчалик ўзгарганига қуйидаги фотолар орқали жавоб берамиз.
Алекса ПенаВега
Алекса «Жосус болалар» фильмидаги Кармен Кортес ролидан кейин машҳурликка эришган.Опа-ука жосусларнинг саргузаштлари акс этган фильм болалар учун севимли бўлган. У суратга тушиш давомида трюкларни каскадёр ёрдамисиз, мустақил бажарибгина қолмай, «Жосус болалар» учун бир нечта трек ёзишга муваффақ бўлган. Кинотанқидчилар унинг актрисалик карьерасида муваффақиятга эришишини тахмин қилган, лекин ПенаВега фаолиятини мусиқа билан давом эттиришга қарор қилган.
Дэрил Сабара
Дэрил Сабара «Жосус болалар» фильмида Алекса гавдалантирган Карменнинг укаси Жони Кортес ролини маҳорат билан ижро қилган. Мазкур фильмдан бошқа Дэрил ижодида кўзга ташланадиган роль бўлмаган, у асосан «Бетмэн», «Вейверли Плейслик афсунгарлар» сингари фильмларда эпизодик роль ижро қилган. 2011 йилда тақдим қилган «Жосус болалар 4D» фильмида ҳам Дэрил бош қаҳрамон эмас, иккинчи даражали қаҳрамон ролини ижро қилган.
Николь Том
Николь Том «Бетҳовен» фильмидаги ролидан кейин танилган. Ҳақиқий машҳурликка эришган ёш актриса эътибор марказида бўлиш учун кетма-кет лойиҳаларда иштирок этишга розилик берган, аммо Голливудда ўз ўрнини топа олмаган.
Жонатан Уильям Липники
Жонатан Уильям Липники 1996 йилда «Жерри Магуайер» фильмида Рене Зеллвегернинг ўғли ролини ижро қилган. Шундан кейин кинотанқидчилар кичик актёрнинг истеъдод ва ижро маҳоратини юқори баҳолаган. Жонатан «Ёлғиз йигит» ва «Стюарт литтл» фильмларида ҳам суратга тушган. Бироқ тўсатдан кинода суратга тушишни давом эттирмасликка қарор қилган. Кейинчалик театрда роль ижро қилиб, спорт билан шуғулланган.
Тэйлор Дули
Тэйлор Дули «Шаркбой ва Лаванинг саргузаштлари» фильмида Тэйлор Лотнер билан бирга суратга тушган. Лотнердан фарқли ўлароқ Дули машҳурликка эришганидан кейин суратга тушишда давом этмаган. Шундан кейин унинг кино фаолиятида ҳеч қандай янгилик кузатилмаган.
Жулия Уинтер
Жулия Уинтер «Чарли ва шоколад фабрикаси» фильмида бадавлат оила фарзанди Верука Сольт ролини ижро қилган. Суратга олиш ишлари тамомланганидан кейин ёш актриса сериалларда иккинчи даражали қаҳрамон ролини гавдалантирган. Бора-бора актрисалик фаолиятига нуқта қўйиб, тиббиёт соҳасида ўқишга қарор қилган.
Изоҳ (0)