Беларусь президенти Александр Лукашенко Россия президенти Владимир Путинга «Иттифоқ давлатини мустаҳкамлаш» учун янги қуроллар тўғрисида мурожаат қилган. Лукашенко бу ҳақда Минскка амалий ташриф билан келган Россия мудофаа вазири Сергей Шойгуга айтиб ўтди, деб хабар бермоқда Meduza.
«Мен Россия президентидан қуролларнинг айрим турларини сўрадим. Унга айтдимки, сиз келганингизда биргаликда иттифоқчи давлат нуқтаи назаридан нимани ва қаерни кучайтиришимиз кераклигини кўриб чиқамиз», — дея таъкидлаган Лукашенко.
Шу билан бирга, ўша суҳбатда Лукашенко Шойгуга Беларусь заиф мамлакат эмаслигини тушунтиришни бошлаган.
«Биз вазиятни нафақат Беларусда, балки чегараларимиз бўйлаб ҳам ушлаб туришга қодирмиз. Брестдан Владивостоккача бўлган умумий Ватанимизни ҳимоя қилиш бўйича ишонишимизга шубҳа қилмасангиз ҳам бўлади», — деган Лукашенко.
Беларусда 16 сентябрь куни Россия билан «Славян қардошлиги» номли қўшма ҳарбий машғулот бошланди. Шойгу Лукашенко билан учрашувда кейинги машғулотлар 2020 йил октябрь ойида бўлишини айтди.
Изоҳ (0)