16 сентябрь куни дунёнинг турли бурчакларидан олинган энг қизиқарли суратлар жамланмасини тақдим этамиз.
Ғазо секторининг жанубий қисмида Исроилнинг ҳаво зарбаларидан кейин кўринаётган тутун ва олов. Фото: Reuters
Чилининг Сантьяго шаҳридаги «Буин» ҳайвонот боғида юрган урғочи шер. Айни дамда боғ молиявий аҳволини тиклаш учун ҳомий қидирмоқда. Фото: Reuters
Бельгиянинг меросхўр маликаси Елизавета Элзенборн ҳарбий лагеридаги машғулотларда иштирок этмоқда. Фото: Reuters
Исроилнинг Тель-Авив шаҳрида ресторан саноати ишчилари умуммиллий карантин чекловларига қарши норозилик белгиси сифатида ликопчаларни синдирмоқда. Фото: Reuters
Словениянинг Севнитса шаҳрига яқин Розно ҳудудида Алес Зупевс АҚШнинг биринчи хоними Мелания Трамп шарафига ясалган бронза ҳайкални очмоқда. Фото: Reuters
Буюк Британиянинг Брайтон пляжида совун пуфакларни ёришга интилаётган болалар. Фото: Reuters
Қуддусда яҳудийларнинг Янги йили олдидан ибодатчиларнинг Ғарбий деворда қолдирган ёзувларини тозалаб чиқаётган ходим. Фото: Reuters
Ҳиндистоннинг Нью-Деҳли шаҳрида коронавирусдан вафот этган 3 ойлик фарзандини кўмишга олиб кетаётган эркак. Фото: Reuters
Массачусетс штатининг Челси шаҳрида коронавирус пандемияси вақтида жиддий қийинчиликларга дуч келган аҳоли вакили маҳсулот омборидан ўзига ажратилган ёрдам пакетини олиб кетмоқда. Фото: Reuters
Буюк Британиянинг Саутенд-он-Си ҳудудида коронавирусга тест топшириш учун навбатда турган одамлар. Фото: Reuters
Ҳиндистоннинг Нью-Деҳли шаҳридаги шифохонада кислород баллони олдида турган тиббиёт ходими. Фото: Reuters
Япониянинг истеъфога чиққан бош вазири Синдзо Абэ бош вазир қароргоҳини тарк этаётганида ходимлари уни гулдаста ва қарсаклар билан кузатмоқда. Фото: Reuters
Аввалги кунларнинг фотогалереялари:
Изоҳ (0)