Япониянинг JAXA космик агентлиги ва NHK телекомпанияси ўзаро ҳамкорликда 4К ва 8К сифатга эга Super Hi-Vision Camera’лар модулини яратмоқда. Марс тарихида биринчи бор қизил сайёра ва унинг табиий йўлдошлари — Fobos ва Deymos юқори аниқликда ўрганилади, деб хабар беради Hi-Tech.Mail.ru.
Super Hi-Vision камераларини ҳозирда лойиҳаланаётган ММХ космик аппарати Марсга, Ердан 300 миллион километр узоқликдаги масофага етказади. Парвоз 2024 йилнинг сентябрига мўлжалланган бўлиб, у сайёрага бир йилдан сўнг етиб боради.
Миссиянинг мураккаблиги унинг икки босқичли эканлигида. Марс ва унинг йўлдошларини ўрганиш давомида сунъий йўлдош уларнинг суратлари ва бошқа материлларни сиқилган ҳолда юборади. Асосий файлларнинг ўзи космик аппаратда сақланади — у Ерга 2029 йилда ММХнинг ортга қайтиш модули орқали олиб келинади.
Олимлар 8К-камералар ёрдамида Марс феномени ва сайёрага жуда яқин масофада айланувчи унинг табиий йўлдошларини тадқиқ этади. Лойиҳанинг ўзига хосилиги — олинган барча суратлар интернетга юкланади.
Эслатиб ўтамиз, июль охирларида АҚШ Марснинг ўтмишдаги ҳаёт изларини қидиришга мўлжалланган янги Perseverance марсоходини учирган эди.
Аввалроқ БАА ўзининг космик зондини биринчи бор Япониядан туриб Марсга учиргани тўғрисида хабар берилганди. Орадан кўп ўтмай Хитой ҳам Марсга ўзининг биринчи миссиясини учирган.
Изоҳ (0)