Кундузги уйқу бевақт ўлим хавфини оширади, деб хабар беради MedicalXpress.
Гуанчжоу Тиббиёт университети олимлари кундуз куни бир соат мизғиб олиш ҳам ўлим хавфини ошириши мумкинлигини аниқлади.
Мутахассислар мизғиб олиш ва юрак-қон томир касалликлари оқибатида юзага келадиган ўлим хавфи ўртасидаги ўзаро алоқани аниқлашда 20 дан ортиқ илмий ишлардаги 313 651 нафар беморнинг маълумотларини таҳлил қилиб чиққан.
Маълум бўлишича, респондентларнинг 39 фоизга яқини кундуз куни мунтазам мизғиб турган. Олимларнинг аниқлашича, кундуз куни 60 дақиқадан кўпроқ ухлаш барча сабаблардан ташқари ўлим хавфини 30 фоизга ва юрак-қон томир касалликлари ҳолатида 34 фоизга оширади.
Бундан ташқари, давомийлиги қанча бўлишидан қатъи назар кундузги уйқу ўлим хавфини 19 фоизга оширади, мазкур боғлиқлик аёлларда кўпроқ аниқланган.
Шунингдек, таъкидланишича, кундузги қисқа уйқу (60 дақиқагача) кечаси ёмон ухлайдиганларнинг юрак-қон томир тизими ҳолатини яхшилашга хизмат қилади.
Изоҳ (0)