«Узуклар ҳукмдори» ва «Кариб денгизи қароқчилари» фильмларидаги роли билан яхши таниш бўлган Орландо Блум ва турк ижодкорлари томонидан тақдим қилинган «Муҳташам юз йил» сериалидаги Хадича ролини гавдалантирган актриса Селма Эргеч ўртасида боғлиқлик нимада эканига қуйида жавоб берилади.
Ўзига яраша карьераси ва минглаб мухлислари бўлган санъаткорларнинг ҳар иккиси ҳам турли киносаноат вакиллари ва уларни бир суратга олиш майдончасида тасаввур қилиш қийин. Шунга қарамай, уларга 2013 йилда биргаликда суратга тушиш насиб қилган. Фотосессия ва тақдимотда иштирок этиши давомида машҳурлар бир-бирини яхшилаб таниши учун имкон бўлган.
Уларнинг ҳамкорликдаги фаолияти кино эмас, реклама билан боғлиқ бўлган. Юлдузли жуфтлик «Магнум» музқаймоғи рекламасида суратга тушган. Давомийлиги 4 дақиқани ташкил қилган ролик бир қанча сюжетдан иборат бўлган. Аввалига Селманинг актёрдан интервью олмоқчи экани акс этган, кейин улар биргаликда кафе ва бошқа жойларда пайдо бўладиган реклама қисқа метражли фильмга ўхшаб кетади.
Рекламадан кейин мазкур жуфтлик ОАВ эътиборидан четда қолмаган ва ELLE журналининг турк таҳририяти биргаликда фотосессия қилишни таклиф қилган. Нашр муаллифи Селмадан икки тилда сўзлашадиган юлдузлар қандай қилиб тил топишгани, Орландо қандай саволлар берганини сўраган.
«Биз кўп гаплашдик, у менга Истанбул ҳақида кўп савол берди, Чироғон саройидаги суратга олиш жараёнида сарой тарихи билан қизиқди. У умумий маълумот билан чекланмайди, таърих ва тафсилотлар ҳақида кўпроқ билишни истайди. Шунингдек, биз шахсий мавзуларда ҳам гаплашдик, у мендан касбим, келажакдаги лойиҳаларим ва карьера билан боғлиқ режаларим ҳақида сўради», — деб жавоб берган актриса.
https://youtu.be/Omx4mwyTTgY
Ушбу лойиҳадан кейин Орландо Блумда Истанбулдан уй олиш истаги пайдо бўлган ва у Туркиядаги тажрибасидан мамнунлигини билдирган.
Изоҳ (0)