Футбол бўйича Coca-Cola Суперлига 14-турида «Локомотив» 10 сентябрь, пайшанба куни «Андижон» майдонида меҳмон бўлди.
Учрашувнинг дастлабки бўлими ўртача темпда кечди ва танаффусга қадар дарвозалар дахлсизлиги сақланиб қолинди. Иккинчи бўлим ҳам тенг курашлар остида ўтди.
Учрашувнинг 68-дақиқасида «темир йўлчилар» бир ўйинчи кам бўлиб қолди. Шаҳзод Шайманов иккинчи сариқ карточкасини олиб майдонни тарк этди. Шунга қарамай меҳмонлар бўлим сўнгида ғалабани илиб кетди. Ғуломҳайдар Ғуломов жарима зарбасини қойилмақом ижро этиб, жамоасининг ғалаба тўпини киритди.
Ушбу ғалабадан кейин Андрей Микляев шогирдларининг очколарини 15 тага етди, жамоа 10-ўринда бормоқда. «Андижон» (6) эса сўнгги поғонани эгаллаб турибди.
Coca-Cola Суперлига
14-тур баҳси
«Андижон» — «Локомотив» 0:1
Голлар: 0:1 – 90 Ғуломов«Андижон»: Элдор Адҳамов, Азамат Исроилов, Фарҳод Мираҳматов, Хушнудбек Авилов, Фарҳодбек Бекмуродов (Шаҳбоз Жумабоев, 72), Сирож Мелиев (Қаҳрамон Баходиров, 59), Абдулло Олимов, Усмонали Исмоналиев, Тимур Усмонов, Дониёр Абдуманнопов, Нодир Мавлонов (Бахтиёржон Қосимов, 59).
«Локомотив»: Жавоҳир Илёсов, Шаҳзод Шайманов, Славко Дамянович, Кахи Махарадзе, Марат Бикмаев (Кирилл Погребняк, 73), Темурхўжа Абдухолиқов (Ғуломҳайдар Ғуломов, 64), Азизбек Амонов (Иброҳим Ғанихонов, 73), Савелий Абрамов (Авазбек Ўлмасалиев, 64), Дилшоджон Комилов, Шуҳрат Муҳаммадиев, Шерзод Файзиев
Огоҳлантиришлар: Шайманов (29).
Четлатиш: Шайманов (68).
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)