Осиё тараққиёт банки (ОТБ) ва БМТ Болалар фонди (ЮНИСЕФ) 9 сентябрь куни Ўзбекистон Соғлиқни сақлаш вазирлигига умумий қиймати 952 минг долларга тенг яна бир партия тиббиёт воситаларини топширди. Бу ҳақда ОТБ ва ЮНИСЕФнинг мамлакатдаги ваколатхоналарига таяниб, «Gazeta.uz» хабар берди.
ЮНИСЕФ ОТБнинг молиявий кўмагида ва Соғлиқни сақлаш вазирлиги билан келишган ҳолда COVID-19 билан касалланган беморларга қараётган тиббиёт ходимлари учун индивидуал ҳимоя воситаларини сотиб олган. Унинг ичидан 71,1 минг комбинезон ва 8000 бахила, шунингдек, лаборатория тестларни ўтказиш учун RNA Mini реагентлар тўплами ўрин олди.
«Ўзбекистонда COVID-19 билан боғлиқ вазият карантин чекловлари енгиллаштирилганига қарамай яхшиланмоқда. Бироқ биз ҳамон эҳтиёт чораларига риоя қилишимиз керак, чунки аҳоли орасида касаллик тарқалиш даражаси олдингидек юқорилигича қолмоқда», — дейди ОТБнинг Ўзбекистондаги ваколатхонаси директори Синди Малвичини.
Етказиб берилган воситалар Ўзбекистоннинг барча вилоятлари бўйлаб тақсимланади.
Аввалроқ Осиё тараққиёт банки Ўзбекистонга 20 та кислород концентраторларини етказиб бергани тўғрисида хабар берилганди.
Мавзуга доир: Осиё тараққиёт банки Ўзбекистондаги йўлларни яхшилашга 270 млн доллардан ортиқ пул ажратди
Изоҳ (0)