Ўзбекистонда 2020 йилнинг етти ойи давомида мавжуд маҳаллаларнинг 61 фоизида умуман жиноят содир этилмади, жиноятлар қайд этилган айрим маҳаллаларнинг профилактика инспекторлари эса жазоланди. Бу ҳақда ИИВ ҳуқуқбузарликлар профилактикаси бош бошқармаси бошлиғи, полковник Бахтиёр Бердиалиев «Дарё» мухбири Хонзодабегим Аъзамовага берган интервьюсида айтиб ўтди.
Маълумотларга кўра, 2020 йилнинг январь—июль ойлари мобайнида Ўзбекистондаги жами 9 145 та маҳалланинг 5 576 таси — 61 фоизида умуман жиноят содир этилмаган. Полковник Бердиалиевнинг таъкидлашича, жиноят содир этилган 3 569 та маҳалла профилактика инспекторлари фаолияти кўриб чиқилиб, жиноятчиликка қарши фаол курашганларга яна имкон берилган, қолганлар эса жазоланди.
«Бизда махсус жамғарма бор. Ўзи бириктирилган ҳудудда жиноят юз бермаган, юклатилган вазифаларни вақтида бажарган профилактика инспекторлари ҳар уч ойда бир марта рағбатлантириб борилади.
Фаол ишламаса, рағбатлантириш олмайди. Маҳалласида жиноятлар содир бўлаверса, унинг ишда қолиши ёки қолмаслиги масаласи кўрилади. Белгиланган талабларга жавоб бермаган профилактика инспектори ишдан кетади.
Фаолияти қониқарсиз деб топилган инспектор бошқа ҳудудга ўтказилмайди — ишини эплай олмаган ходим ўша жойдаёқ ишдан кетади», — дея қўшимча қилди Бахтиёр Бердиалиев.
Мавзуга доир:
- Пўлат Бобожонов Сенат мажлисида жорий йилда Ўзбекистонда содир этилган жиноятлар 2016 йилгига нисбатан пасайганини маълум қилди
- 2017 йилда Ўзбекистондаги 1000 та маҳаллада бирорта ҳам жиноят содир этилмади
- Профилактика тадбирлари натижасида Хоразм вилоятидаги 159 та маҳаллада бирорта ҳам жиноят содир этилмади
- Ўзбекистондаги 5253 та маҳаллада 2017 йил бошидан бери бирорта ҳам жиноят содир этилмади
Изоҳ (0)