Таксичиларни ҳам ўз-ўзини банд қилганлар рўйхатига қўшиш бўйича иш кетаётгани ва бу бўйича 1-2 ойда Вазирлар Маҳкамасига таклиф киритилиши ҳақида АОКАда ўтказилган матбуот анжуманида Молия вазири ўринбосари Дилшод Султонов хабар берди.
Бу рўйхатга киритиш учун таксичиларнинг фаолияти давомида айрим талаблар бор. Биринчидан, таксига чиққан йўловчи ким билан кетаётганини билиши шарт. Иккинчидан, таксилар маълум муддатда техник кўрикдан ўтиб бориши керак. Ҳозир бу бўйича Транспорт вазирлиги билан келишув олиб борилмоқда. Ҳайдовчиларнинг ҳар ҳафта ёки ҳар куни тиббий кўрикдан ўтиши масаласи Соғлиқни сақлаш вазирлиги билан муҳокама қилинмоқда. Буни йил охиригача амалга оширишни режалаштираяпмиз.Матбуот анжуманида Давлат солиқ қўмитаси раиси ўринбосари Олимжон Файзибоев ҳозирга қадар 67 меҳнат тури бўйича 370 мингдан ортиқ фуқаро ўз-ўзини банд қилувчи сифатида рўйхатдан ўтганини айтиб ўтди.Дилшод Султонов, Молия вазири ўринбосари
Қайд этилишича, ўз-ўзини банд қилган фуқаро сифатида йил охиригача 500 мингга яқин шахс рўйхатдан ўтиши кутилмоқда. Ҳозирга қадар Тошкент шаҳри, Фарғона, Наманган ва Бухоро вилояти фуқаролари ўз-ўзини банд қилувчилар рўйхатида фаоллик кўрсатмоқда.
Изоҳ (0)