Жаҳон соғлиқни сақлаш ташкилоти бош директори Тедрос Гебрейесуснинг маълум қилишича, дунё COVID-19 билан боғлиқ вазиятдан хулоса чиқариши ва янги пандемияларга тайёрланиши керак. Бу ҳақда «РИА Новости» хабар берди.
Унинг сўзларига кўра, соғлиқни сақлаш ижтимоий, иқтисодий ва сиёсий барқарорликнинг асоси ҳисобланади, шунинг учун касалликларни аниқлаш, олдини олиш ва уларга қарши курашиш бўйича хизматларга пул тикиш керак.
«Бу охирги пандемия эмас. Тарих бизга шуни уқтирадики, касаллик тарқалиши ва пандемия ҳаётнинг бир қисми саналади. Бироқ кейинги пандемия келганда, дунё ҳозиргидан кўра кўпроқ тайёр бўлиши керак», — дея қўшимча қилган Гебрейесус.
ЖССТ бош директорининг сўзларига кўра, атипик пневмония, Яқин Шарқ респиратор синдроми, қизамиқ, полиомелит, Эбола, грипп ва бошқа касалликлар тарқалишидан кейин тайёргарлик ишларини олиб борган мамлакатлар ҳозирги кунда коронавирус бўйича яхши натижаларга эришмоқда.
Изоҳ (0)