Uyida o‘simlik parvarish qilmaydiganlar sirasiga kirgan taqdiringizda ham, o‘simliklarning salomatlik, kayfiyatga ijobiy ta’siri haqidagi ma’lumotga ega bo‘lgandan keyin fikringiz o‘zgarishi mumkin.
Tinchlanishingizga yordan beradi
Afrika binafshasiga bir necha daqiqa davomida qarab turilsa, adrenalin miqdori ortib, miyaga ko‘proq kislorod yetib boradi va tinchlanasiz.
Havoni namlantiradi
Xonadoningizdagi havoni namlantirish uchun qimmat havo namlantiruvchi vosita xarid qilgandan ko‘ra, xonaga Nefrolepis o‘simligini qo‘yib qo‘ying. Ushbu o‘simlik nafaqat havoni namlantiradi, balki uni tozalaydi ham. Nefrolepis yorug‘lik talab qilmaydi, uni qorong‘i xonaga qo‘yib qo‘yish mumkin.
Davolashi mumkin
Aloe Vera o‘simligi kuyish, sovuq urishi, dermatit hamda gerpesni davolashda yaxshi samara beradi.
Ilhom beradi
Yorqin yaproqli o‘simliklar tasavvur yaxshilanishiga ta’sir qiladi. Ijodiy krizis kuzatilgan vaqtda o‘simlikka qarab ilhom olishingiz mumkin.
Allergik reaksiyani kamaytiradi
Uy tokchalari, shkaflarda yig‘iladigan changdan allergiyangiz bo‘lsa, xlorafitum sizga yordam beradi. Ushbu o‘simlik ikki kun ichida xonadagi 90% toksinni yo‘q qilish xususiyatiga ega.
Havoni tozalaydi
NASAning havoni turli zararli ifloslanishlardan tozalaydigan o‘simliklar ro‘yxatida Ingliz pechagi birinchi o‘rinda turadi. Ushbu o‘simlikni ayniqsa astma bilan kasallangan insonlar uyida parvarish qilishi tavsiya qilinadi.
Energiya beradi
Ishtahasi yo‘q va holsizlik qiynaydigan kishilarga har tong ko‘zi tushganda energiya olish va tetiklikni his qilishi uchun qizil yaproqli o‘simlikni yuvinish xonasiga qo‘yib qo‘yish tavsiya qilinadi.
Diqqatni oshishiga yordam beradi
Kuzatishlarda aniqlanishicha, ofis yoki sinf xonalarida o‘simliklarning bo‘lishi diqqatni 70 foizga ko‘taradi.
Stressni kamaytiradi
O‘simlikni parvarish qilish, suv quyish, tuprog‘ini yumshatish va yaproqlarini artish jarayonining o‘zida asablaringiz tinchlanib, o‘zingizni ancha yaxshi his qilasiz.
Ko‘zni tinchlantiradi
Ko‘zingiz kompyuter yoki gadjetlar qarshisida soatlab o‘tirishdan charchagan bo‘lsa, Potos o‘simligiga qarash tavsiya qilinadi. Ushbu o‘simlik glaukoma va katarakta rivojlanishini ham oldini oladi.
Izoh (0)