Мадриднинг «Реал» клуби яна бир қатор футболчиларини сотиб юбормоқчи.
АS нашрининг хабар қилишича, мадридликлар клуби Гарет Бэйл, Серхио Регилон, Мариано Диас ва Борха Майорални трансферга қўйиш истагида. «Реал» футболчилар трансферидан 100 миллион евро ишлаб олмоқчи.
Шунингдек, Мадрид клуби яхши таклиф тушадиган бўлса Лукас Васкесни ҳам сотишга тайёр.
Бу орқали «Реал» коронавирус пандемияси сабаб юзага келган молиявий инқироз зарарларини камайтириш ниятида. Аввалроқ «Реал» иккинчи марта футболчилар ва ходимлар маошини қисқартиришни кўзлаётгани хабар қилинганди.
Аввалроқ жамоа ҳужумчиси Браҳим Диас ижара асосида «Милан»га йўл олганди. Шунингдек, Хамес Родригес «Эвертон»га ўтишга яқин турибди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)