Қора рицар, боксчи ва сув остидаги Uber: Ёввойи табиат фотосуратчилар нигоҳида (фото)

«Nature inFocus Photography Awards 2020» танловининг ғолиблари эълон қилинди. Ҳакамлар ҳайъатининг юқори баҳоларига сазовор бўлган Осиёдаги ёввойи табиатнинг ажойиб суратлари билан сиз ҳам танишинг.

Ушбу ҳашарот оддийгина палма дарахтининг зараркунанда қўнғизи. Мофид Абу Шалванинг «Боксчи» сурати «Ҳайвонлар портрети» номинациясида иккинчи ўринни эгаллади.

Ганеш Чоудхури Ганга дарёсидаги делфин сурати учун «Ҳайвонлар портрети» номинациясида ғолиб бўлди. Ушбу ҳайвон йўқолиб кетиш хавфи остида бўлиб, Қизил китобга киритилган.

Магнус Лундгрен «Автотўхтатувчи» сурати билан «Ҳайвонларнинг хатти-ҳаракати» номинациясида бошқаларга ўрин қолдирмади.

Кафр шохли қарғаси – ушбу оилага мансуб энг катта ва ҳақиқий йиртқич қуш. Фотосуратчи Варун Таккарнинг иши «Ҳайвонларнинг хатти-ҳаракати» номинациясида алоҳида эътиборга сазовор бўлди.

Яшпал Ратхорнинг Бангалор устидан учиб ўтаётган «Қора рицар» деб номланган сурати танловнинг Гран-приси ҳамда «Ёввойи пейзаж ва ҳайвонларнинг яшаш шароити» номинацияси ғолиблигини қўлга киритди.

Фотосуратчи Кришненду Митра пандемия даврида ўзини-ўзи яккалаш тажрибаси туфайли атрофда юз бераётган воқеаларни диққат билан ўрганиб чиқиш имкониятидан фойдаланди. «Шаҳар ҳаёти» сурати «Табиатни муҳофаза қилиш масалалари» номинациясида алоҳида эътиборга сазовор бўлди.

Ҳинд каркидони ушбу кадрда суратга тушиш учун ўзи яшайдиган боғнинг ташқарисига чиқди. Сумабрата Муликнинг «Кунга чиқиш» сурати «Ҳайвонлар портрети» номинациясида фахрли иккинчи ўринни эгаллади.

«Табиатни муҳофаза қилиш масалалари» номинациясида Шкирант Маннепурининг «Ўлим доираси» энг яхши кадр деб топилди.

Филлар терисини соғлом сақлаш ва паразитлардан ҳимояланиш учун чангга бурканади ва бу уларнинг иссиқ ҳаводан салқинлашига ҳам ёрдам беради. Сурат муаллифи Ситара Картикеян «Ёш фотосуратчилар» номинациясига лойиқ деб топилди.

Дигант Десаи «Ёввойи пейзаж ва ҳайвонларнинг яшаш шароити» номинациясида «Немо ва актинлар» сурати бўйича эсдалик совға билан тақдирланди.

Баъзан табиат ҳайратомуз лаҳзалар билан лол қолдиради. Наян Жиоти «Тундаги сароб» сурати билан «Табиатнинг ижодий иши» номинациясида ғолиб бўлди.

«Табиатнинг ижодий иши» номинациясининг иккинчи ўринига эса ноодатий сурати билан Гагандип Матару лойиқ кўрилди.

Абхикрам Шехаватнинг «Ишончда ҳамкорлик» «Ёш фотосуратчилар» номинациясида иккинчи ўринни олди.

«Осмондаги тузоқ» – Абҳижит Аддя «Табиатни муҳофаза қилиш масалалари» номинациясида ютуққа эришди. Калкутта яқинидаги сув-ботқоқ овчиларнинг маконига айланган бўлиб, улар бу ерга қушларни тутадиган тузоқ тўрларни ўрнатган.

Магнус Лундгреннинг «Сув остидаги Uber» асари ҳакамлар томонидан «Ёввойи пейзаж ва ҳайвонларнинг яшаш шароити» номинациясига мос деб топилди.

Ганеш Чоудхарининг «Гангадаги ўлим» сурати «Табиатни муҳофаза қилиш масалалари» номинациясида алоҳида эътиборга лойиқ деб топилди.

«Ҳайвонлар портрети» номинацияси ғолиблиги Рипан Бисваснинг «Ёмғирлар мавсумида кўпайиш» суратига насиб этди.

«Қуёшни тут» асарининг муаллифи Сумит Адхикарий «Ёш фотосуратчи» номинациясида эътиборга лойиқ деб топилди.