Украинанинг Трускавец шаҳрида биринчи синфга чиққан қизалоқ ҳаёт ҳақидаги қарашлари билан ижтимоий тармоқ фойдаланувчиларини кулдирди. Ролик интернет бўйлаб кенг тарқалиб кетди, деб ёзади «Korrespondent.net».
Олти ёшли Адель Билимлар куни муносабати билан ўтказилган биринчи қўнғироқда журналистга мактабга чиқишдан жуда хурсанд эканлигини сўзлаб берган. Қизалоққа нима сабабдан ўқишни хоҳлаши тўғрисида савол беришганида у жавобни унутиб қўйган.
«Чунки биз бу ерда аввалига ўйнаймиз, кейин ўқишга борамиз, кейин эса яна ўқиймиз, кейин бошқа мактабга борамиз, сўнг — институтга, ишга ва охирида ўламиз», — дея хурсанд бўлиб сўзлайди қизалоқ.
Все правильно сказала ^^ pic.twitter.com/UZ4h1Z71Qz
— Vladyslav Greziev (@hypnomez13) September 3, 2020
Ижтимоий тармоқ фойдаланувчилари биринчи синф ўқувчисининг фикрига турли изоҳлар қолдирган. Унинг самимийлиги барчага ёққан.
Изоҳ (0)