Тошкентнинг Сергели туманида Matiz, Spark ва Cobalt иштирокидаги ЙТҲда бир киши вафот этди. Пойтахт ИИББ матбуот хизмати хабарига кўра, воқеа 4 сентябрь куни соат 08:20 да туманнинг Обиҳаёт ва Файзли кўчалари кесишмасида юз берган.
Matiz ҳайдовчиси 72 ёшли Лелий К. чап томонга бурилиш вақтида кесишма йўлдан ҳаракатланиб келаётган ва ҳаракат устуворлигига эга бўлган 27 ёшли Шукуржон М. бошқарувидаги Spark’га йўл бермаганлиги сабабли тўқнашув юзага келган.
Matiz инерция сабабли ҳаракатни давом эттириб, йўл четида тўхтаб турган 39 ёшли Алексей К. бошқарувидаги Cobalt’га урилган.
ЙТҲ оқибатида Matiz ҳайдовчиси олган жароҳатлар туфайли воқеа жойида вафот этган.
Изоҳ (0)