Қуйидаги актёрлар ижросидаги роллар ҳақида гап кетганда нафақат уларнинг маҳорати, балки пардозчилар истеъдодига қойил қолмай бўлмайди.
Жон Траволта
2007 йилда суратга олинган «Соч учун лак» кинолентасида актёр бош қаҳрамоннинг онаси ролини ижро қилган. Мазкур фильм нафақат мухлислар, балки «Олтин глобус» ҳакамларининг ҳам эътирофига сазовор бўлган. Эдна Тернблад роли учун Траволта энг яхши иккинчи даражали актёр, деб топилган. Жон статуэткани қўлга киритмаган бўлса ҳам унинг ушбу ижроси энг эсда қоларли роллардан бири сифатида тарихда қолган.
Дастин Хоффман
Актёр «Тутси» фильмида хушчақчақ аёл ролини ижро қилган. Фильм сюжетига кўра оғир феъли сабаб бир ишда узоқ вақт ишлолмайдиган Майкл Дорси кўринишини аёл кишига ўзгартиради. Актёр ролини қойилмақом ижро қилган, кинолента эса 10 та номинация бўйича «Оскар»га номзоди қўйилган.
Робин Уильямс
Томошабинларга ўзига хос роллари билан яхши таниш бўлган актёрга фарзандлари билан кўришиш ҳуқуқидан маҳрум қилинган ишсиз эркак ролини ижро қилиш таклифи келиб тушганда дарҳол рози бўлган. Фильмда у болалари билан кўришиш учун кўринишини энага аёлга ўзгартирган қаҳрамон ролини гавдалантирган. Даутфайр хоним роли учун актёр «Олтин глобус»га, унинг пардозчилари эса «Оскар»га лойиқ топилган.
Марлон ва Шон Уэйанс
Актёрлар «Оқбилак ойимчалар» комедиясида омадсиз ФҚБ агентлари ролини ижро қилган. Унда вазифасини уддасидан чиқмаган хизмат ходимларига сўнгги имкон берилади ва қора танли агентлар бошқалар эътиборини тортмаслик учун опа-сингилларга айланади. Ака-укалар биргина грим учун пардозчи қаршисида кунига 7 соат ўтиришига тўғри келади.
Адам Сэндлер
«Жек ва Жилл»фильмида актёр эгизаклар ролини ижро қилган. 2011 йилда Деннис Дуга томонидан суратга олинган фильмда Адам ролини қойиллатиши учун унга опа-сингиллари ёрдам берган.
Изоҳ (0)