Улар қизил йўлакчалар ҳамда ялтироқ муқоваларнинг замона гўзаллари дея эътироф этиладиган актрисалар билан баравар турувчи тенг ҳуқуқли қаҳрамон. Ушбу аёллар кимлардир ўйлаб топган стандартларга жавоб бермайди, лекин бу уларга омадли, пулдор ва машҳур бўлишда умуман тўсқинлик қилмайди.
Куин Латифа
Латифа халқаро шоу-бизнесдаги энг нуфузли аёллардан бири. У актрисаликни муваффақиятли қўшиқчиликдан бошлаган. Унинг бир қанча альбомлари чиққан бўлиб, ҳатто «олтин» мақомига ҳам сазовор бўлган. Бир неча бора «Гремми» мукофотига номзодлиги қўйилган.
Кейинчалик у кенг кўламли фильмларда пайдо бўла бошлади. Унинг иштирокидаги «Чикаго» фильми 13 маротаба «Оскар» мукофотига номзодликка қўйилган. Латифа доимо дўмбоқ аёл бўлганидан мамнун, у ҳеч қачон кўриниши ортидан муаммога дуч келмаган. Унинг карьераси, умумбашарий мартабаси ва дунё миқёсидаги машҳурлиги билан нозик қомат эгаларига муваффақият ва бойлик парҳез натижаси эмаслигини исботлади.
Октавия Спенсер
Октавия «Махфий материаллар», «Катта портлаш назарияси», «Тез ёрдам» сериалларида ва «Етти ҳаёт», «Мураббий Картер», «Хизматкор» каби фильмдаги машҳур роллари билан Голливудни забт этди. У охирги роли учун «Оскар» мукофотига сазовор бўлди. Октавия «Голливуднинг энг кулгили актрисаси»дан бири бўлишига қарамай (Entertainment Weekly’га кўра), кинематографик маросимда жуда жиддий тарзда намоён бўлди.
Ребел Уилсон
Актрисанинг «Музейдаги тун-3» ва «Мукаммал овоз-2» фильмидаги ёрқин қиёфаси океаннинг ҳар икки томонидаги томошабинлар ёдида қолди. Унинг «Чиркин рақс» фильмидаги «Ҳаётим онлари» қўшиғига эҳтиросли рақси ва трагикомик ижроси жуда ҳам машҳур. Ребел Уилсонни даврнинг таниқли комедия актрисаларидан бири деб аташ мумкин.
Маълумки, Актрисанинг ватани Австралия − машҳур актёрлар бешиги. Балки, унинг туғилган жойи ёки Америка киносаноати учун ностандарт кўриниши мос келганлиги, шунингдек, ажойиб истеъдоди туфайли бирин-кетин муваффақиятли лойиҳада иштирок этиб, дадил қадамлар билан юқорига қараб интилмоқда. Келаси йили кучли актёрлар – Пенелопа Крус, Иэн МакШейн ва Марк Стронг кабиларнинг иштирокида «Биродар Гримбси» фильми намойиш этилиши кутилмоқда, шунингдек, «Мукаммал овоз»нинг учинчи қисми чиқарилиши ҳам эълон қилинган.
Мелисса МакКарти
Мелиссанинг «Айғоқчи» фильмидаги иштироки ўта скептик кайфиятдаги томошабинларни ҳам ташқи кўриниш муҳим эмаслигига ишонтирди. Актриса қандай қилиб экранда чиндан ҳам турлича бўлишни билади: бир вақтнинг ўзида ҳам айёр, ҳам таъсирчан. Кўплаб танқидларга остида қолган актриса қизил гиламчадан тўғридан-тўғри юриб, кўплаб номинация ва киносаноатининг энг нуфузли мукофотларига сазовор бўлди. Гарчи у 50 ёшда бўлса ҳам, унинг қувноқ феъл-атвори ва кучли қуввати Голливуд чўққисидаги кўплаб нозик юлдузчалардан устун туради.
Сидибе Габуре
Бўлажак актриса АҚШнинг бир неча коллежларида таҳсил олаётганида яхши билимга эга бўлган. Шу билан бирга, Сидибе «Оскар»га лойиқ ролни талабалик пайтидаёқ ижро этди. «Хазина» фильми томошабинлар томонидан илиқ, танқидчилар томонидан ғайрат билан қабул қилинди. Фильм тақдимотидан сўнг актрисанинг сурати кўплаб журнал муқоваларини безади ва дизайнерлар таклифи билан улар яратган либосларда суратга тушди.
Изоҳ (0)