Испания терма жамоаси УЕФА Миллатлар Лигаси 1-тури доирасида Германияга қарши кечган ўйинда (1:1) миллий рекордни қайд этди, дея хабар қилмоқда Opta.
Учрашувга қўшиб берилган вақтнинг сўнгги сониялари ўтиб бораётган бир онда Хосе Гайя немислар дарвозасини ишғол қилган ҳолда испанларни мағлубиятдан қутқариб қолди.
Испания терма жамоаси кетма-кет 41 халқаро ўйиндан буён учрашувни голсиз тарк этмаяпти ва бу «қизил фурия» учун рекорд натижа ҳисобланади. Сўнгги бор испанлар 2016 йилги Европа чемпионатининг 1/8 финалида Италия терма жамоаси дарвозасига йўл топа олмаганди (0:2).
Миллатлар Лигасининг 2-турида Испания терма жамоаси Мадриддаги «Альфредо ди Стефано» ўйингоҳида 6 сентябрь куни Украинани қабул қилади.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)